• Os ydych chi’n gweithio yn y maes twristiaeth
• Os ydych chi’n gweithio ag ymwelwyr
• Os ydych chi’n byw yn yr ardal
• Os ydych chi’n astudio yn yr ardal

Mae ystod o fodiwlau hyfforddiant ar-lein rhyngweithiol am ddim wedi’u creu i wella gwybodaeth am Sir Ddinbych. Mae’r ymagwedd hon yn caniatáu i bawb ddysgu ar eu cyflymder a’u lleoliad dewisol mewn ffordd sy’n hwylus iddyn nhw.

Mae modiwlau wedi’u creu ar themâu gwahanol er mwyn rhoi hyblygrwydd i chi p’un a ydych eisiau cwblhau pob un o’r modiwlau neu’r rhai sy’n berthnasol i chi yn unig. Mae’r modiwlau yn cynnwys testunau, lluniau a ffilmiau gan fod pawb yn dysgu mewn ffyrdd gwahanol. Y 11 modiwl cychwynnol yw –

1. Croeso i Sir Ddinbych
2. Trefi a Dinas Sir Ddinbych
3. Cerdded yn Sir Ddinbych
4. Beicio yn Sir Ddinbych
5. Hanes a Threftadaeth yn Sir Ddinbych
6. Y Gymraeg a Diwylliant Cymru
7. Celfyddydau yn Sir Ddinbych
8. Bwyd a Diod yn Sir Ddinbych
9. Ardal o Harddwch Naturiol Eithriadol Bryniau Clwyd a Dyffryn Dyfrdwy
10. Safle Treftadaeth y Byd Traphont Ddŵr a Chamlas Pontcysyllte
11. Arfordir Sir Ddinbych
12. Twristiaeth Gynaliadwy yn Sir Ddinbych

Mae Cyngor Sir Ddinbych wedi derbyn cyllid ar gyfer y prosiect hwn drwy Gymunedau Gwledig Llywodraeth Cymru – Rhaglen Datblygu Gwledig 2014-2020, a ariennir gan Gronfa Amaethyddiaeth Ewrop ar gyfer Datblygu Gwledig a Llywodraeth Cymru. Felly, bydd y modiwlau yn canolbwyntio ar Gefn Gwlad Sir Ddinbych yn y cam cyntaf, fodd bynnag, bydd modiwlau ychwanegol sy’n canolbwyntio ar Arfordir Sir Ddinbych yn cael eu hychwanegu maes o law.

Oes – mae’n rhaid i chi gwblhau ‘Croeso i Sir Ddinbych’ a ‘Threfi a Dinas Sir Ddinbych’ cyn ymgymryd ag unrhyw fodiwlau eraill o’ch dewis chi.

Oes!

• Efydd – Cwblhau 3 modiwl
• Arian – Cwblhau 6 modiwl
• Aur – Cwblhau 9+ o fodiwlau

Er mwyn bod yn Lysgennad Twristiaeth (Efydd), rhaid i chi gwblhau 3 modiwl (2 gorfodol ac 1 o’ch dewis chi).

Bydd, cynhelir profion syml i wirio eich cynnydd trwy gydol y modiwlau. Y sgôr ‘pasio’ yw 80%. Bydd cyfleoedd i ail-sefyll unrhyw un o’r modiwlau.

Ar gyfartaledd, bydd pob modiwl yn cymryd tua 30 munud i’w cwblhau (fodd bynnag, mae’n bosibl y bydd rhai yn cymryd ychydig yn hirach/llai).

Mae pob un o’r modiwlau ar gael yn Gymraeg ac yn Saesneg.

Oes, mae’r canlynol ar gael yn rhad ac am ddim –

• Tystysgrifau
• Brand Llysgennad Twristiaeth i ddefnyddio ar eich deunyddiau marchnata
• Bathodynnau
• Sticeri ar gyfer drysau a ffenestri

Oes – trefnir hyfforddiant wyneb yn wyneb a theithiau dysgu i ategu at y dysgu ar-lein ac i ddarparu cyfleoedd i bawb rwydweithio â Llysgenhadon eraill, rhannu arfer gorau a chyfrannu at gynllunio ar gyfer twristiaeth y dyfodol.

Bydd – caiff modiwlau eu diweddaru yn ôl yr angen. Caiff modiwlau newydd eu cyflwyno yn ôl yr angen. Bydd y system yn hysbysu defnyddwyr pan fydd modiwl yn cael ei ddiweddaru neu os oes unrhyw gynnwys newydd wedi’i uwchlwytho.

Bydd – mae gan y wefan adran ‘Adnoddau’ lle y gallwch ddod o hyd i ystod o wybodaeth a dolenni defnyddiol i ategu at y modiwlau.

Gellir dod o hyd i’r modiwlau a’r adnoddau ar wefan y Llysgenhadon Twristiaeth –
www.denbighshireambassador.wales / www.llysgennadsirddinbych.cymru