Mae ffilm newydd, ffotograffau a chyfres o fapiau digidol newydd sbon yn arddangos rhanbarth Gogledd Ddwyrain Cymru wedi eu rhyddhau fel rhan o ymgyrch Blwyddyn Darganfod Croeso Cymru. Mae Sir Ddinbych, Wrecsam a Sir y Fflint wedi ymuno i lunio’r adnoddau marchnata i ysbrydoli pobl leol ac ymwelwyr i brofi\u2019r rhanbarth.<\/p>\n
Mae\u2019r ffilm a ddangoswyd gyntaf yng Nghyfarfod Masnach Flynyddol Twristiaeth Gogledd Cymru yn archwilio cynnig y rhanbarth o ran twristiaeth ac yn cynnwys atyniadau allweddol fel Dyffryn Maes Glas, Castell y Waun a SC2 yn y Rhyl yn ogystal \u00e2 thirluniau gwledig ac arfordirol Moel Famau a Thraeth Talacre. I\u2019r rhai sy\u2019n hoff o antur yn yr awyr agored mae\u2019n dangos beicio mynydd yng Nghoedwig Nercwys a OnePlanet Adventure, Llandegla a chaiacio ar Afon Dyfrdwy yn Llangollen. Mae\u2019r ffilm yn cychwyn gyda Thraphont Dd\u0175r a Chamlas Pontcysyllte sy\u2019n dathlu 10 mlwyddiant ers derbyn statws Safle Treftadaeth y Byd UNESCO.<\/p>\n
Mae\u2019r ffilm yn gychwyn cyfres o ffilmiau bach newydd a fydd yn cael eu rhyddhau drwy gydol y flwyddyn a sy\u2019n cynnwys them\u00e2u gwahanol gan gynnwys yr arfordir, cestyll, tirluniau, diwylliant, antur a Safle Treftadaeth y Byd. Mae oriel o ddelweddau proffesiynol hefyd wedi eu rhyddhau er mwyn helpu i ddenu ymwelwyr hen a newydd i\u2019r rhanbarth drwy\u2019r flwyddyn.<\/p>\n
Mae twristiaeth yn rhan bwysig o economi\u2019r rhanbarth, ac yn ystod 2017, cyfanswm yr effaith economaidd oedd \u00a3867m ac fe wnaed dros 11 miliwn o ymweliadau.<\/p>\n
Dywedodd Ian Lebbon, Cadeirydd Partneriaeth Rheoli Cyrchfan Sir Ddinbych, \u201cGyda\u2019r prif dymor twristiaeth ar fin cyrraedd; mae’n wych i weld Sir Ddinbych, Sir y Fflint a Wrecsam yn gweithio gyda\u2019i gilydd i lansio amrywiaeth o ddeunyddiau marchnata proffesiynol i arddangos y rhanbarth yn ystod Blwyddyn Darganfod. Fe fyddem yn annog busnesau i ddefnyddio’r adnoddau sydd ar gael ar eu cyfer i greu gwell ymwybyddiaeth o’r rhanbarth a hybu’r economi leol drwy gydol y flwyddyn.”<\/p>\n
Mae saith map digidol newydd sy\u2019n archwilio amrywiaeth o leoliadau ar draws Gogledd Ddwyrain Cymru hefyd wedi eu llunio. Mae\u2019r mapiau\u2019n cydgysylltu gyda Ffordd Gogledd Cymru \u2013sy\u2019n 75 milltir ac yn un o dri llwybr twristiaeth cenedlaethol a lansiwyd gan Croeso Cymru o dan frand Ffordd Cymru. Mae\u2019r mapiau newydd wedi bod yn ymdrech gymunedol, gan fod busnesau wedi eu gwahodd i weithdai ar draws Gogledd Cymru i drafod eu syniadau am lwybrau twristaidd newydd i helpu i hyrwyddo\u2019r rhanbarth a darparu troeon a dargyfeiriadau oddi ar Ffordd Gogledd Cymru.<\/p>\n
I weld y ffilm ewch i dudalen Gogledd Ddwyrain Cymru ar Facebook neu YouTube https:\/\/www.youtube.com\/watch?v=eovLG6cIIAY<\/a><\/p>\n