Mae ffilm newydd sbon sy\u2019n hyrwyddo profiadau ac atyniadau twristiaeth allweddol yn Sir Ddinbych wedi’i lansio i gyd-fynd \u00e2 Blwyddyn Darganfod Croeso Cymru.<\/p>\n
Mae\u2019r ffilm yn cynnwys cyrchfannau allweddol gan gynnwys yr SC2 newydd sbon yn y Rhyl, Traeth Barkby Prestatyn, Castell Dinbych, Cadeirlan Llanelwy, Nantclwyd y Dre, Carchar Rhuthun, Canolfan Grefft Rhuthun, Dinas Br\u00e2n, Rheilffordd Llangollen, Plas Newydd ac Abaty Glyn y Groes yn ogystal ag amrywiaeth o brofiadau megis syrffio barcud yn y Rhyl, seiclo ar Fwlch yr Oernant, paragleidio yn Llangollen, beicio mynydd yn One Planet Adventure a phadlo bwrdd ar droed ar Afon Dyfrdwy.<\/p>\n
Lansiwyd y ffilm yn y Fforwm Twristiaeth diweddar, lle y daeth bron i 100 o bobl ynghyd i wrando ar siaradwyr gwadd, gan gynnwys Urdd Gobaith Cymru a Banc Datblygu Cymru. Cynhelir y Fforwm ddwywaith y flwyddyn ac mae wedi profi i fod yn llwyddiant enfawr ar gyfer busnesau twristiaeth i ddysgu oddi wrth ei gilydd a datblygu partneriaethau newydd.<\/p>\n
Dywedodd y Cynghorydd Hugh Evans OBE, Arweinydd Cyngor Sir Ddinbych: \u201cMae\u2019r ffilm hon wir yn dangos harddwch Sir Ddinbych, o Langollen a Dyffryn Dyfrdwy yn y de i\u2019r trefi arfordirol yn y gogledd megis Prestatyn a\u2019r Rhyl. Gyda\u2019r prif dymor ar gyfer twristiaeth yn agos\u00e1u ac agoriad diweddar SC2 yn y Rhyl, rydym yn annog ymwelwyr yn ogystal \u00e2 phobl leol i ail-ddarganfod ein rhan ni o Ogledd Cymru.”<\/p>\n
Mae Gogledd Cymru yn prysur ddatblygu’n gyrchfan enwog fel prif leoliad antur, ac mae\u2019r ffilm wir yn amlygu\u2019r profiadau amrywiol a hygyrch sydd ar gael yn y sir ar gyfer pob oedran a diddordeb.<\/p>\n
Mae\u2019r ffilm hwn wedi derbyn cyllid drwy Gymunedau Gwledig Llywodraeth Cymru – Rhaglen Datblygu Gwledig 2014-2020, a ariennir gan Gronfa Amaethyddiaeth Ewrop ar gyfer Datblygu Gwledig a Llywodraeth Cymru. Mae\u2019n ffurfio rhan o brosiect Llysgenhadon Twristiaeth Sir Ddinbych a gaiff ei lansio\u2019n fuan. Y nod yw gwella\u2019r profiad i ymwelwyr drwy ddarparu modiwlau hyfforddiant ar-lein ynghylch cynnig twristiaeth Sir Ddinbych.<\/p>\n